Als interessierte Laie hesch früehner könne
so Büecher kaufe und Blueme nach Farb bestimme
Au in dr Politik, do simmer froh,
lauft das no bis hüt eso:
S blüeht dunkelgrüen am Stängel obe,
isch tief verwurzlet mit em Schwyzer Bode
Wit ab vo dr Stadt, meist rächts vom Wäg kaschs gseh
Jo genau, dasch d SVP
S blüeht orange, früehner heschs rund um d Kirche gfunde
Dört isch es abr jetz verschwunde
Neu waggsts grad do, zmitzt uf em Wäg
Mir sin «Die Mitte» heissts die Däg
S blüeht blau, eher dunkel, und, mer wänn nid wärte,
z Arlese in vile Gärte
Me findets in Banke, im Tessin und ume Gänfersee
Mir sage zuenem FDP
S blüeht lila, isch abr eigentlig grüen und blau
S isch vernünftig und fründlig zu andere Blueme au
Eher spährlig do in Arlese
unsri liebi GLP
S blüeht knallrot, so wie dr Mohn,
und will für alli dr gliich Lohn
Links vom Wäg hets meistens meh,
gärn in Gruppe, sehr sozial, halt d SP
Au e grasgrüens Blüemli wär no do
S waggst bi uns nid, isch halt eso
Denn isch do none Endemit,
öbbis wos nur z Arlese git
Es stoht gärn in dr früsche Luft
und versprüeht e herrlig Duft
S blüeht hellblau und seit ganz erpicht:
Früschluft am 3. März, vergiss-mein-nicht!